“ომეგა ჯგუფის” საქმესთან და სკანდალურ აუდიოჩანაწერებთან დაკავშირებით უცვლელია მმართველი გუნდის პოზიცია . უმრავლესობის დეპუტატები კვლავ აპელირებენ რომ მედიის საკითხი უნდა გაიმიჯნოს კომპანიასთან დაკავშირებული დავისგან. ამასთან კვლავ ამტკიცებენ რომ გამორიცხულია ხელისუფლების გავლენა ბიზნესზე, “ომეგა ჯგუფის” პრობლემები არა ხელოვნურად და ზეწოლის შედეგად არამედ საგადასახადო ვალდებულებების შეუსრულებლობით არის გამოწვეული. რაც შეეხება ჩანაწერის ფიგურანტების პასუხისმგებლობას აქ ამბობენ რომ გამოძიების შედეგებს უნდა დაველოდოთ.