მოგესალმებით იბერია TV - ზე !
საქართველოში ელიტურ კორუფციასთან ბრძოლა კვლავ გამოწვევად რჩება - IDFI-ის მიერ გამოქვეყნებულ ანალიზი
საქართველოში ელიტურ კორუფციასთან ბრძოლა კვლავ გამოწვევად რჩება - ნათქვამია IDFI-ის მიერ გამოქვეყნებულ ანალიზში, რომელსაც არასამთავრობო ორგანიზაცია აქვეყნებს. სამ მილიონ ლარამდე თანხის მითვისების საქმე გაერთიანებული წყალმომარაგების კომპანიიდან, სუს-ის უფროსის პირველი მოადგილის იოსებ გოგაშვილის ოჯახის წევრების და ახლო ნათესავების მიერ დიდი ოდენობით ქონების დაუფლება; ოთარ ფარცხალაძის მონაწილეობა თბილისის მერიასთან დაკავშირებულ საეჭვო გარიგებებში, მის მიერ მოქმედ გენერალურ აუდიტორზე თავდასხმა; ზუგდიდი ყოფილი მერის, ლაშა გოგიას კორუფციული სკანდალი, საგარეო საქმეთა სამინისტროს საეჭვო შესყიდვები, ეკონომიკის და ინფრასტრუქტურის სამინისტროებში არსებული შესაძლო დარღვევები და "ომეგას" საქმე- ეს ის გახმაურებული შემთხვევებია, რომელზეც IDFI ამახვილებს ყურადღებას. „ელიტური კორუფციის“ შემთხვევების გამოუძიებლობა ნათლად მიუთითებს იმაზე, რომ აუცილებელია არსებული სისტემის რეფორმირება, რადგან ის ვერ ახდენს მაღალი დონის კორუფციის შემთხვევებზე ეფექტურ რეაგირებას, რაც საზოგადოებაში აჩენს შეკითხვებს და ნეგატიურად აისახება საჯარო დაწესებულებების მიმართ საზოგადოების ნდობაზე. მეტიც, შესაძლო სამოხელეო დანაშაულის გამოუძიებელი შემთხვევები უფრო მეტად ახალისებს დანაშაულს და ზიანს აყენებს ქვეყნის დემოკრატიულ განვითარებას. IDFI აუცილებლად მიიჩნევს ისეთი დამოუკიდებელი ანტიკორუფციული სამსახურის შექმნას, რომელსაც ექნება საზოგადოების ნდობა, დამოუკიდებლობის მაღალი ხარისხი და შესაბამისი კვალიფიკაცია იმისათვის, რომ გამოიძიოს მაღალი დონის კორუფციის შემთხვევები და პასუხი გასცეს საზოგადოებაში დაგროვილ ლეგიტიმურ შეკითხვებს. მოვუწოდებთ საქართველოს პარლამენტს, დაიწყოს მუშაობა დამოუკიდებელი ანტიკორუფციული სამსახურის შექმნის მიმართულებით და ხელახლა განიხილოს ჯერ კიდევ 2014 წელს „საერთაშორისო გამჭვირვალობა - საქართველოს“ მიერ ამ მიმართულებით ინიცირებული კანონპროექტი." ნათქვამია IDFI-ს მიერ გავრცელებულ ინფორმაციაში.

ბეჭდვა E-mail
თეგები: IDFI
FaceBook Twitter Google
მსგავსი სიახლეები
ახალი ამბები ბექა პატურაშვილთან ერთად 17:00 საათზე - 16.10.2018
"ჩანაწერი იყო გუშინ მომზადებული" - ზაზა სარალიძე ახალ ჩანაწერზე

"იმ კაცს უჭირს ძალიან სულიერად" - ვიქტორ ჯაფარიძის კომენტარი ახალ ჩანაწერზე
პროკურატურის მიერ გამოქვეყნებულ ჩანაწერებთან დაკავშირებით მმართველი გუნდის აზრი ორად იყოფა.