მოგესალმებით იბერია TV - ზე !
საკადრო და სტრუქტურული ცვლილებები ქვეყნის მთავრობაში - 18 სამინისტროდან უწყებების რაოდენობის 14-მდე შემცირება იგეგმება
ახალი ამბები
მინისტრთა კაბინეტში ცვლილებებია - 18 სამინისტროდან უწყებების რაოდენობა 14 -მდე მცირდება. გუნდში არიან ახალი სახეებიც. ერთერთია რკინიგზის ყოფილი გენერალური დირექტორი მამუკა ბახტაძე, რომელიც ფინანსთა მინისტრის პოსტს დაიკავებს და დიმიტრი ქუმსიშვილს ჩაანაცვლებს. მეორე ახალი სახეა თსუ-ს ყოფილი პრორექტორი, მიხეილ ჩხენკელი, რომელიც განათლებისა და მეცნიერების მინისტრის პოსტს დაიკავებს და ალექსანდრე ჯეჯელავას შეცვლის. გიორგი მღებრიშვილი შინაგან საქემთა მინისტრის პოსტიდან ახალ სტრუქტურაში - საგანგებო სიტუაციების მართვის ცენტრში გადაინაცვლებს, რომელიც საგანგებო სიტუაციების მართვის სააგენტოს და კრიზისების მართვის საბჭოს გააერთიანებს. გიორგი გახარია ეკონომიკის მინისტრის პოსტს დატოვებს და შინაგან საქმეთა მინისტრის თანამდებობას დაიკავებს. ის ასევე იქნება ვიცე პრემიერი. დიმიტრი ქუმსიშვილი კვლავ გადაინაცვლებს ეკონომიკის სამინისტროში, რომელთანაც ენერგეტიკის სამინისტრო გაერთიანდება. ლევან დავითაშვილი შეინარჩუნებს სოფლის მეურნეობის მინისტრის თანამდებობას, თუმცა სამინისტროსთან გარემოსა და ბუნებრივი რესურსების დაცვის სამინისტრო გაერთიანდება. სამთავრობო გუნდში აღარ იქნება ვიქტორ დოლიძე, მისი უწყების ფუნქციებს საგარეო საქმეთა სამინისტრო დაიმატებს, რომელსაც კვლავ მიხეილ ჯანელიძე უხელმძღვანელებს. სპორტისა და ახალგაზრდობის სამინისტრო დაიშლება. სამინისტროს ახალგაზრდობის საქემთა მართვის კომპონენტი განთლებისა და მეცნიერების სამინისტროს შეუერთდება, რომელსაც როგორც უკვე ავღნიშნეთ მიხეილ ჩხენკელი უხელმძღვანელებს. სპორტისა და ახალგაზრდობის სამინისტროს სპორტის მიმართულება კი კულტურისა და ძეგლთა დაცვის სამინისტროს შეუერთდება რომელსაც მოქმედი კულტურის მინისტრი მიხეილ გიორგაძე უხელმძღვანელებს. ასევე ცნობილი გახდა, რომ სახელმწიფო უსაფრთხოების სამსახურს ფუნქციები უფართოვდება. მის შემადგენლობაში შევა საგარეო დაზვერვის სამსახურიც.

FaceBook Twitter Google